Archive of Academic Writings
Join us on facebook
large view
small view
Filters will be available again soon. In the meantime, please use the keyword search.
Nothing was found.
Close
Share
Paper
The issue of Self-identification in "First Garment" by Guram Dochanashvili and "Everyone That Findeth Me" by Otar Chiladze
Salome Tigilauri_2020Abstract
Abstract taken from the full text of the paper (PDF, page 2). (in Georgian)ნაშრომი შეეხება თვითიდენტობის პრობლემას გურამ დოჩანაშვილის და ოთარ ჭილაძის რომანებში: ,,სამოსელი პირველი“ და „ყოველმან ჩემმან მპოვნელმან“. ყურადღება გავამახვილეთ როგორც მთავარ, ასევე მეორეხარისხოვან პერსონაჟებზე, ცალ-ცალკეა წარმოდგენილი ჩვენთვის საინტერესო მოქმედ პირთა წყვილები: ალექსანდრე – დომენიკო და ქაიხოსრო – გვეგვე. პირველი პოზიტიურად განვითარებული თვითიდენტობის მაგალითია, ხოლო მეორე წყვილთან, იდენტიფიკაციის კრიზისი ვლინდება. კვლევის მეთოდად გამოყენებულია კომპარატივისტული ანალიზი, კერძოდ ყურადღება გამახვილებულია ტექსტთა თემატურ (თემა, სიუჟეტი, მოტივი) მიმართებებზე. ჩვენი მიზანია, იდენტობის თეორიების, განსაკუთრებით, ერიკ ერიკსონის ,,იდენტობის თეორიის“ მიხედვით გავაანალიზოთ აღნიშნულ პერსონაჟთა განვლილი გზა და ის, თუ რა მოვლენებმა განაპირობა მათი ხასიათის ამ სახით ჩამოყალიბება, რა იწვევს იმას, რომ მხოლოდ ერთი წყვილი ახერხებს თვითიდენტობის მოპოვებას, მეორე კი – ვერა.
აღნიშნული პრობლემით სამეცნიერო წრე განსაკუთრებით XX საუკუნიდან დაინტერესდა. იდენტობის ცნება კი 1960-იანი წლებიდან ერთ-ერთ ცენტრალურ ტერმინად იქცა კულტუროლოგიურ დისკურსთა უმეტესობაში. საკვლევი თემა ჩვენს დროში კიდევ უფრო აქტუალურია, ვინაიდან ღირებულებათა გაუფასურებისას განსაკუთრებით რთულდება თვითიდენტობის მოპოვებისა და შენარჩუნების პროცესი. აქედან გამომდინარე, პერსონაჟთა მაგალითზე განხილვა იმისა, თუ რა შეიძლება მოგვევლინოს ხელისშემშლელ ფაქტორებად ამ გზაზე და როგორ უნდა აღმოიფხვრას პრობლემა, ძალზე საინტერესოა. ოთარ ჭილაძის შემოქმედება ამ ასპექტით აქამდეც იყო გამოკვლეული, თუმცა ნაშრომში შევეცადეთ, სხვა კუთხით შეგვეხედა პერსონაჟებისათვის და გამოგვევლინა ახალი გარემოებები, რომლებმაც გარდამტეხი მნიშვნელობა შეიძინა მათი თვითიდენტობის მოპოვების გზაზე.
ნაშრომის ძირითად სიახლე არის ის, რომ პირველადაა წარმოდგენილი გურამ დოჩანაშვილის ,,სამოსელი პირველის“ კვლევა თვითიდენტობის პრობლემის თვალსაზრისით. ოთარ ჭილაძის რომანში ყურადღება გამახვილებულია სიზმრებზე, კომპლექსებზე, როლის თეორიასა და პერსონაჟთა რელიგიასთან მიმართებაზე. რაც შეეხება გურამ დოჩანაშვილის რომანს, აქ განხილულია მთავარი პერსონაჟის, დომენიკოსა და მისი ძმის, გვეგვეს, როგორც დადებითად და უარყოფითად განვითარებული თვითიდენტობის სახეები. ყურადღება გამახვილებულია თითქმის ყველა ცენტრალურ თუ
Full text: PDF, 63 pages. The full text is available in Georgian. Open the paper