სასკოლო-საგანმანათლებლო პროგრამები საქართველოს მუზეუმებში

აბსტრაქტი

XX საუკუნის მეორე ნახევარში მუზეუმები მივიდნენ იმ დასკვნამდე, რომ მათი საქმიანობა საჭიროებდა ისეთ ცვლილებებს, რაც ხელს შეუწყობდა მუზეუმის სოციალური აქტივობის გაზრდას. აქედან გამომდინარე, თანამედროვე მუზეუმები ზრუნავენ კიდევ უფრო მეტად გააფართოონ და განავითარონ საზოგადოებაზე/დამთვალიერებლებზე ორიენტირებული პროგრამები (დოპ), რაც დღეს სამუზეუმო საქმიანობის უმნიშვნელოვანეს ასპექტს წარმოადგენს. საგანმანათლებლო პროგრამების არსებობა ხელს უწყობს მუზეუმს, იქცეს არაფორმალურ კულტურულ-საგანმანათლებლო ცენტრად, სადაც საზოგადოებას საშუალება ეძლევა არა მხოლოდ დაათვალიეროს მუზეუმის კოლექციები, არამედ შეისწავლოს მათი ისტორია, კულტურა, აღიქვას მათი მრავალმნიშვნელოვნება კოლექციების ინტერპრეტაციის მეშვეობით და ა.

შ. როგორც წესი, თანამედროვე მუზეუმებში საზოგადოებაზე ორიენტირებულ პროგრამებს შორის განსაკუთრებული მნიშვნელობა ენიჭება ისეთ საგანმანათლებლო პროგრამებს, რომელთა სამიზნე ჯგუფს წარმოადგენენ სკოლის მოსწავლეები, რადგან სტატისტიკის თანახმად, მუზეუმის ვიზიტიორთა უდიდეს ნაწილს სწორედ ისინი შეადგენენ. საერთაშორისო პრაქტიკა ცხადყოფს, რომ თანამედროვე მუზეუმები ორიენტირებულნი არიან, თავიანთი საგანმანათლებლო პროგრამები დაუკავშირონ სწორედ სასკოლო განათლებას, ხოლო სასკოლო სისტემასთან თანამშრომლობით, უფრო განიმტკიცონ თავიანთი, როგორც არაფორმალური განათლების ფუნქციის მქონე დაწესებულების როლი. დღეისათვის, საქართველოს არაერთი მუზეუმი (საქართველოს ეროვნული მუზეუმი, აბრეშუმის მუზეუმი, საქართველოს ხალხური და გამოყენებითი ხელოვნების მუზეუმი, საქართველოს თეატრის, კინოს, მუსიკისა და ქორეოგრაფიის სახელმწიფო მუზეუმი და სხვ.) საკმაო წარმატებით ახორციელებს გარკვეულ საგანმანათლებლო პროგრამებს სკოლის ასაკის მოზარდებისთვის, თუმცა, სასკოლო საგანმანათლებლო პროგრამების შემუშავების მეთოდოლოგია და მისი ეროვნულ სასწავლო გეგმასთან მისადაგების პრაქტიკა ჩვენი ქვეყნის რეალობაში ფაქტობრივად არ არსებობს.

მაშინ, როცა საერთაშორისო პრაქტიკა ცხადყოფს, რომ აუცილებელი და მნიშვნელოვანია ამ ტიპის პროგრამები უშუალოდ უკავშირდებოდეს ეროვნულ სასწავლო გეგმას, შეესაბამებოდეს მის სტანდარტებს და კრიტერიუმებს, რაც ხელს უწყობს მოსწავლის მიერ ეროვნული სასწავლო გეგმით გათვალისწინებული პროგრამების ათვისებას. ჩვენი მიზანია სასკოლო საგანმანათლებლო პროგრამების სპეციფიკის, პრინციპებისა და მიმართულებების სამეცნიერო კვლევისა და კულტუროლოგიური ანალიზის საფუძველზე შევიმუშაოთ სასკოლო საგანმანათლებლო პროგრამების მოდელი და მეთოდოლოგიური

სრული ტექსტი: PDF, 82 გვერდი. ნაშრომის გახსნა