ზოგადი განათლებიდან უმაღლესი განათლების პირველ საფეხურზე: გამოწვევები და რეკომენდაციები. (ბაქსვუდის საერთაშორისო სკოლა - თბილისის წინასაბაკალავრო პროგრამის ანალიზის მიხედვით)

აბსტრაქტი

განათლება გრძელი პროცესია, რომელიც ბაღიდან იწყება და არ სრულდება. უმაღლესი განათლება ამ პროცესის ერთი ჯაჭვია. ზოგადსაგანმანათლებლო სკოლამ კურსდამთავრებულები უნდა მოამზადოს განათლების ახალი საფეხურისთვის. ბაქსვუდის საერთაშორისო სკოლა - თბილისი, მე-11 და მე-12 კლასებში ახორციელებს წინასაბაკალავრო პროგრამას. პროგრამა მოსწავლეებს ეხმარება პროფესიის შერჩევაში, უვითარებს კოგნიტურ და სოციალურ უნარებს, რომლებიც მათ დაეხმარება უმაღლეს საგანმანათლებლო დაწესებულებაში აკადემიური წარმატების მიღწევაში. მე-12 კლასელებმა შეავსეს ჰავაის უნივერსიტეტის - დასავლეთ ოაჰუს - მიერ შექმნილი სტუდენტთა გამოცდილების კითხვარი. ისინი თავად აფასებდნენ საკუთარ შესაძლებლობებს.

კითხვარის შედეგების დათვლის შედეგად გამოიკვეთა, რომ მოსწავლეებს შეუძლიათ ჯგუფური მუშაობა, პრეზენტაციის გაკეთება, ინფორმაციის მოძიება, დამუშავება და გამოყენება. მოსწავლეებს შერჩეული აქვთ სამომავლო პროფესია და უმაღლესი საგანმანათლებლო დაწესებულება, სადაც სურთ სწავლის გაგრძელება. წინასაბაკალავრო პროგრამის კურსდამთავრებულებს სჭირდებათ დამატებითი მომზადება წერით კომუნიკაციაში და აკადემიური წერის უნარების განვითარებაში. მათ ასევე სჭირდებათ მეტი ინფორმაცია სხვადასხვა მსოფლმხედველობებისა და ცივილიზაციების შესახებ.

წყაროში (ილიას სახელმწიფო უნივერსიტეტის რეპოზიტორია) დაცულია ნაშრომის სატიტულო გვერდი და აბსტრაქტი. წყაროს ნახვა