გერმანული ექსპრესიონისტული კინოს როლი ნაციზმის დაბადებაში

აბსტრაქტი

წინამდებარე ნაშრომი შეისწავლის გერმანული ექსპრესიონისტული კინოს როლს, ნაციზმის დაბადებაში. აღნიშნული კვლევა განსაზღვრავს, თუ რამდენად არის შესაძლებელი ექსპრესიონისტულ ფილმებზე დაყრდნობით, ვიმსჯელოთ ჰიტლერისა და ზოგადად ფაშიზმის დაბადებაზე ვაიმარის რესპუბლიკაში. ნაშრომში გამოყენებულია მეორადი მონაცემების ანალიზის მეთოდი, ასევე კულტურის კვლევის მეთოდი, კონტენტ-ანალიზი და კინო გამოსახულების ვიზუალური ანალიზი. ძირითადი აქცენტი კეთდება კინოთეორეტიკოსების ზიგფრიდ კრაკაუერისა და ლოტა აისნერის მიერ გამოქვეყნებულ ორ საეტაპო მნიშვნელობის წიგნზე, გერმანული ექსპრესიონიზმის შესახებ. ერთი მხრივ, კრაკაუერის „კალიგარიდან ჰიტლერამდე“ და მეორეს მხრივ, ლოტა აისნერის „აჩრდილების გამოსახულება“ საშუალებას მოგვცემს, ახლებურად გადავიაზროთ მათ მიერ ჩატარებული კვლევის შედეგები.

რამდენად შესაძლებელია კინომ (მიუხედავად იმისა, რომ ეს უკანასკნელი ყველაზე მასობრივი ხელოვნებაა) საფუძველი ჩაუყაროს მსოფლიოს ისტორიაში ერთ-ერთი ყველაზე დიდი ტირანიის დაბადებას. მიღებული შედეგები დაგვეხმარება გავაღრმავოთ ან პირიქით, შევამსუბუქოთ კავშირი გერმანულ ექსპრესიონიზმსა და ნაციზმს შორის. ექსპრესიონისტული კინოს ერთ-ერთი ყველაზე გამორჩეული რეჟისორი ფრიც ლანგი კატეგორიულად ემიჯნება ზემოთაღნიშნული ავტორების მოსაზრებებს და თვლის, რომ გერმანელ ექსპრესიონისტებს არანაირი ბრალი არ მიუძღვით მესამე რაიხის დაბადებაში. ძირითადი საძიებო სიტყვები: გერმანული ექსპრესიონიზმი, ფაშიზმი, ზიგფრიდ კრაკაუერი, ლოტა აისნერი1 1 აღნიშნული ნაწილი გადამუშავებულია აკადემიური წერის კურსის გავლის ფარგლებში ჩემ მიერ

სრული ტექსტი: PDF, 70 გვერდი. ნაშრომის გახსნა