აკადემიური ნაშრომების არქივი
შემოგვიერთდით facebook
large view
small view
ფილტრები მალე აღდგება. მანამდე, გთხოვთ, გამოიყენოთ საკვანძო სიტყვით ძიება.
ვერაფერი მოიძებნა.
დახურვა
გაზიარება
ილიას სახელმწიფო უნივერსიტეტის რეპოზიტორია
ნაციონალური ნიჰილიზმი და იდენტობის კრიზისი საბჭოთა/პოსტსაბჭოთა პერიოდის ქართულ ლიტერატურაში
მზია ჯამაგიძე_2019აბსტრაქტი
აბსტრაქტი აღებულია ნაშრომის PDF ფაილიდან (გვ. 3); წყარო: ილიას სახელმწიფო უნივერსიტეტის რეპოზიტორია.სადისერტაციო ნაშრომში განხილულია ნაციონალური ნიჰილიზმისა და იდენტობის კრიზისის პრობლემა, როგორადაც ის აისახა საბჭოთა და პოსტსაბჭოთა პერიოდის ქართულ მწერლობაში. გააზრებულია ამ პრობლემის მიმართება ისტორიულ-პოლიტიკურ კონტექსტთან. კერძოდ, კვლევაში, პოსტკოლონიალიზმის მეთოდოლოგიის საფუძველზე, ქართულ მწერლობაში გამჟღავნებული ნაციონალური ნიჰილისტური და კრიზისული განწყობების საფუძვლად მიჩნეულია ქვეყნის კოლონიზაცია/სოვეტიზაცია, ნაჩვენებია პოლიტიკური თავისუფლების დაკარგვით გამოწვეული ტრავმა, როგორადაც ის აისახება კოლონიზებული საზოგადოების ნაციონალურ ცნობიერებაზე და აჩენს პოლიტიკური, სოციალური და კულტურული ტრავმის სიმპტომებს. დისერტაციაში განხილული მხატვრული და პუბლიცისტური ტექსტების ანალიზის საფუძველზე, ნაჩვენებია კოლონიზატორული იმპერიალისტური პოლიტიკის შედეგად კოლონიზებულ ნაციონალურ ცნობიერებაში დაქვემდებარებულობის კომპლექსის ფორმირება - რაც ლიტერატურულ ტექსტებში წარმოდგენილია ნაციონალური იდენტობის დემასკულინიზაციის, ნაციონალურ იდენტობათა ნეგაციის ან მათი ჰიპერბოლიზაცია/სტერეოტიპიზაციის ფორმით.
დისერტაციაში ასევე განხილულია პოსტსაბჭოთა/პოსტკოლონიურ ეტაპზე ნაციონალური მწერლობის კოლონიზატორული კულტურული ცენტრისგან გამიჯვნისა და გლობალურ და ლოკალურ კონტექსტში საკუთარი იდენტობის ხელახალი კონსტრუირების სტრატეგიები.
სრული ტექსტი ხელმისაწვდომია აქ: ილიას სახელმწიფო უნივერსიტეტის რეპოზიტორია. ნაშრომის გახსნა