ხელოვნება და ხელოვანები რომის კათოლიკური ეკლესიის მეცენატობის პირობებში - მიქელანჯელოს მიერ განხორციელებული პროექტების

აბსტრაქტი

კვლევა - „ხელოვნება და ხელოვანები რომის კათოლიკური ეკლესიის მეცენატობის პირობებში - მიქელანჯელოს მიერ განხორციელებული პროექტების მაგალითზე“ ერთგვარი მცდელობაა წარმოვაჩინოთ ყველა ის ძირითადი ტენდენცია, რაც XV-XVI საუკუნის დასავლურ კულტურაში არსებობდა და მკაფიოდ ავსახოთ ხელოვანისა და რომის კათოლიკური ეკლესიის ურთიერთობის ქრონიკა, რაც პირდაპირ არის დაკავშირებული მიქელანჯელო ბუონაროტის შემოქმედების სხვადასხვა ეტაპებსა და მათ თავისებურებებთან. კვლევის მიზანია წარმოაჩინოს რენესანსის პერიოდში, ხელოვნების განვითარებაში რომის კათოლიკური ეკლესიის მიერ შეტანილი წვლილი, იმისათვის, რათა კონკრეტული ფაქტების მეშვეობით დავინახოთ, თუ რა სერიოზული როლი შეასრულა (შესაძლოა გაუცნობიერებლადაც) ძლიერმა რელიგიურმა ინსტიტუციამ ხელოვნების განვითარებაში და ეპოქისა და ჰუმანისტური მსოფლმხედველობის გათვალისწინებით, ამ ეკლესიის მსოფხედველობის მიუხედავად, ცენზურის აპარატად არ იქცა.

ეს კი სრულიად საპირისპირო სურათია იმ ვითარებისა, რაც XXI საუკუნის საქართველოში სუფევს, ქვეყანაში, სადაც უფრო და უფრო ძლიერდება ტენდენცია, რომლის მიხედვითაც სასულიერო პირები და მათი პოზიციის გამზიარებელი საზოგადოებრივი ჯგუფები ავტორებსა და მათ შემოქმედებას კონკრეტულ ჩარჩოებს უწესებენ და ცენზურის ერთგვარ აპარატად გვევლინებიან. დასკვნის სახით შეიძლება ითქვას, რომ კვლევის ფარგლებში XV-XVI საუკუნის კათოლიკური ეკლესიის იმ ლიდერების დამოკიდებულება ხელოვნებისა და ხელოვანების მიმართ, რომელთაც ფლორენციელ მოქანდაკე, მხატვარ და არქიტექტორ მიქელანჯელო ბუონაროტისთან მოუხდათ თანამშრომლობა ბევრად უფრო პროგრესულია, ვიდრე ის აგრესიით გაჟღენთილი დამოკიდებულება, რასაც საქართველოში არსებული რელიგიური და საზოგადოებრივი ჯგუფები იჩენენ თანამედროვე, „არაკონიუნქტურული“ შემოქმედებისა და ხელოვანების მიმართ.

ძირითადი საძიებო სიტყვები: მიქელანჯელო, რომის კათოლიკური ეკლესია, საქართველო, ცენზურა,

სრული ტექსტი: PDF, 43 გვერდი. ნაშრომის გახსნა